12 బ్యాంకులే మంచి కస్టమర్ సేవలు, మిగతావీ?

ముంబై : దేశంలో ఉన్న మొత్తం 54 బ్యాంకుల్లో కేవలం 12 బ్యాంకులే మంచి కస్టమర్ సర్వీసులు అందజేస్తున్నాయట. బ్యాంకింగ్ కోడ్స్, స్టాండర్డ్స్ బోర్డు ఆఫ్ ఇండియా(బీసీఎస్బీఐ) కోడ్స్ రేటింగ్ లో ఈ విషయం వెల్లడైంది. మంచి బ్యాంకింగ్ పద్ధతులను, కనీస ప్రమాణాలను సాధించుట, పారదర్శకతను పెంచడానికీ, అధిక ఆపరేటింగ్ లాభాలను పొందడానికి, బ్యాకింగ్-కస్టమర్ సేవలను ప్రోత్సహించడానికి బీసీఎస్బీఐను ఆర్బీఐ ఏర్పాటుచేసింది. ఇది ఒక స్వతంత్ర సంస్థ. ఈ కోడ్స్ రేటింగ్ లో 'అధిక' రేటింగ్ పొందిన బ్యాంకుల్లో ప్రభుత్వ రంగ బ్యాంకు కేవలం ఒకటే ఉంది. అది ఐడీబీఐ బ్యాంకు. మిగతా బ్యాంకులన్నీ ప్రైవేట్ రంగ, విదేశీ బ్యాంకులే.