విజయవాడలో భారీ కుంభకోణం

సాక్షి, విజయవాడ: విజయవాడ బందరు రోడ్డులోని ఓ ఎలక్ట్రానిక్స్ షోరూంలో భారీ కుంభకోణం బయట పడింది. ఓ కంపెనీకి చెందిన టీవీ షోరూంలో ఉద్యోగులు భారీగా అవకతవకలకు పాల్పడ్డారు. కోటి రూపాయల మేర మోసం చేశారని పోలీసులకు సంస్థ యాజమాన్యం ఫిర్యాదు చేసింది. షోరూం మేనేజర్ సహా, సిబ్బందిపై కేసు నమోదు అయింది.

ఈ మేరకు మేనేజర్‌, మరో నలుగురిని పోలీసులు అదుపులోకి తీసుకుని విచారిస్తున్నారు. షోరూం, గోడౌన్‌లోని ఎల్‌ఈడీ టీవీలు, ఇతర ఉత్పత్తులు మాయం చేయడమేగాక వీటిని అమ్ముకుని సొమ్ము చేసుకున్నట్లు గుర్తించారు.