భార్యను చంపిన మంత్రి

మంత్రి హజార్‌ ఖాన్‌ బిజారాణి, ఆయన భార్య ఫారిహా రజాక్‌

ఇస్లామాబాద్‌ : పాకిస్తాన్‌కు చెందిన ఓ మంత్రి భార్యను చంపి  తానూ ఆత్మహత్య చేసుకున్నాడు. పోలీసులు కథనం ప్రకారం..సింధ్‌ ప్రావిన్స్‌లో ప్లానింగ్‌ అండ్‌ డెవలప్‌మెంట్‌ మంత్రిగా ఉన్నమీర్‌ హజార్‌ ఖాన్‌ బిజారాణి మొదట తన భార్య ఫారిహా రజాక్‌ను గన్‌తో మూడు సార్లు కాల్చాడు. ఆమె చనిపోయిన తర్వాత తనను తాను కాల్చుకుని ఆత్మహత్య చేసుకున్నాడు. ఇద్దరి మధ్య ఉన్న వ్యక్తిగత కలహాల కారణంగానే ఈ ఘటన జరిగి ఉండవచ్చుని అనుమానిస్తున్నారు.

సంఘటనాస్థలంలో దొరికిన అన్ని బుల్లెట్‌ కేసింగ్‌ ఒకే గన్‌ నుంచి వచ్చినట్లుగా ప్రాధమికంగా నిర్ధరించారు. హజార్‌ ఖాన్‌ పాకిస్తాన్‌ పీపుల్స్‌ పార్టీకి చెందిన నాయకుడు.  అతని భార్య ఫారిహా రజాక్‌ జర్నలిస్ట్‌. ఇద్దరి అంత్యక్రియలు శుక్రవారం జరిగాయి. ఈ ఘటనపై పూర్తి స్థాయి దర్యాప్తు జరుపుతున్న పోలీసు అధికారులు వెల్లడించారు.