డీఎస్పీ గన్మెన్లను చితకబాదారు..

డీఎస్పీ గన్మెన్లను చితకబాదారు..

కడప: కడప జిల్లా డీఎస్పీ గన్మెన్లు దౌర్జన్యానికి పాల్పడగా స్థానికులు వారిని పట్టుకుని చితకబాదారు. ఈ సంఘటన జిల్లాలోని పుల్లంనేట మండలం రెడ్డిపల్లిలో గురువారం సాయంత్రం చోటుచేసుకుంది. ఈ ఘటన వివరాలిలా ఉన్నాయి.. పుల్లంనేట మండలం రెడ్డిపల్లిలో డీఎస్పీ గన్మెన్లు ఓ షాపు వద్దకు వెళ్లారు. అక్కడ కూల్ డ్రింక్ తీసుకుని తాగారు. అయితే డబ్బులు ఇవ్వకుండా వెళ్తోన్న వాళ్లను ఆ షాపు అతను డబ్బులు చెల్లించమని అడిగాడు.

ఆగ్రహించిన గన్మెన్లు మమ్మల్నే డబ్బులు అడుగుతావా అంటూ కూల్ డ్రింక్స్ తాగిన షాపును ధ్వంసం చేశారు. ఈ విషయాన్ని గమనించిన గ్రామస్తులు డీఎస్పీ గన్మెన్లను పట్టుకుని చితకబాదారు. అనంతరం వారిని పోలీసులకు అప్పగించారు. పూర్తివివరాలు తెలియాల్సి ఉంది.