TV
మూలపల్లి (తలుపుల) : మండల పరిధిలోని బట్రేపల్లి పంచాయతీలోని మూలపల్లి గ్రామానికి చెందిన వ్యవసాయ కూలీ టి.రమణయ్య(45) విద్యుదాఘాతంతో మృతి చెందాడు. మృతుడి బంధువులు తెలిపిన మేరకు.. రమణయ్య నూతనంగా ఆర్డీటీ ద్వారా ఏర్పాటు చేసుకుంటున్న గృహాల వద్ద ఉన్న పంచాయతీ బోరు నుంచి నీరు పట్టుకుంటున్నాడన్నారు. అయితే అప్పటికే అక్కడున్న ఓ పైప్‌కు విద్యుత్‌ సరఫరా అవుతోంది. ఇది గమనించని రమణయ్య పైప్‌ను తాకగానే విద్యుత్‌షాక్‌కు గురయ్యాడు. స్థానికులు వైద్యచికిత్సల నిమిత్తం కదిరికి తరలించగా అప్పటికే మృతి చెందాడన్నారు. మృతుడికి భార్య గంగోజమ్మ, కుమారుడు సూరి ఉన్నారు. ఎస్‌ఐ చంద్రశేఖర్ కేసు దర్యాప్తు చేస్తున్నారు.
