పచ్చగడ్డితో అధిక పాల దిగుబడులు

 ఏలూరు (ఆర్‌ఆర్‌ పేట) : గేదెలు, ఆవుల పెంపకం ద్వారా ఉపాధి పొందుతున్న రైతులు సరైన పాల దిగుబడి రాక ఇబ్బందులు పడుతున్నారు. రాష్ట్రవ్యాప్తంగా అనేక ప్రాంతాల్లో ఇదే పరిస్థితి నెలకొనడంతో ప్రభుత్వం అధ్యయనం చేయించిందని, పచ్చగడ్డి మేపడం ద్వారా అధిక పాల దిగుబడి వస్తుందని గుర్తించినట్టు పశు సంవర్థక శాఖ జిల్లా జేడీ కె.జ్ఞానేశ్వరరావు తెలిపారు. ఈ నేపథ్యంలో పశువులకు పచ్చగడ్డి మేపడం ద్వారా లీటర్‌ నుంచి లీటరున్నర వరకు అధిక పాలదిగుబడులు పొందవచ్చని, అందుకోసం జిల్లావ్యాప్తంగా పశుగ్రాస క్షేత్రాల పెంపకం చేపడుతున్నట్టు చెప్పారు.