TV
అయ్యో పాపం
- బిడ్డను వదిలేసిన తల్లి
- లాలించిన ఎస్పీ రవికృష్ణ
- చైల్డ్‌ హెల్ప్‌ లైన్‌ 1098 వారికి అప్పగింత
కర్నూలు(కొండారెడ్డి ఫోర్టు): ఆడపిల్ల అనుకుందో..ఇంకే కారణమో పుట్టిన బిడ్డను వదిలేసి వెళ్లింది ఓ తల్లి. మంగళవారం రాత్రి 9.30 గంటల ప్రాంతంలో వడ్డేగేరిలోని ధ్వరేషి ఖాద్రి దర్గాలో మూడు నెలల పసికందు లభ్యమైంది. ముక్కుపచ్చలు ఆరాని ఆ బాలికను చుట్టుపక్కల వారు ఒకటో పోలీసు స్టేషన్‌లో అప్పగించారు. బుధవారం ఉదయం జిల్లా ఎస్పీ ఆకే రవికృష్ణ ..ఆ పసిపాపను లాలించి.. చైల్డ్‌ హెల్ప్‌ లైన్‌ 1098 ప్రాజెక్టు డైరక్టర్‌ మోహన్‌రాజ్‌కు అప్పగించారు. బాలిక లభ్యంపై విచారణ జరుపుతామని ఒకటో పట్టణ సీఐ కృష్ణయ్య తెలిపారు.
