రోడ్డు ప్రమాదంలో ఎస్‌ఐ, పీఎస్‌ఐలకు గాయాలు

 

బాపట్ల టౌన్‌ (గుంటూరు) : సీఎం బందోబస్తుకు వెళ్తుండగా ప్రమాదవశాత్తు కారు అదుపు తప్పి చెట్టుకు ఢీకొన్న సంఘటనలో ఎస్‌ఐ, పీఎస్‌ఐ, డ్రైౖ వర్లకు తీవ్రగాయాలైన సంఘటన గురువారం మండల శివారులో చోటుచేసుకుంది. వివరాల్లోకి వెళితే రాష్ట్ర ముఖ్యమంత్రి చంద్రబాబునాయుడు వెలగపూడి గ్రామానికి వెళ్తున్నారనే సమాచారం రావడంతో బందోబస్తు నిమిత్తం వెదుళ్ళపల్లి ఎస్‌ఐ కట్టా వెంకటయ్య, బాపట్ల రూరల్‌ పీఎస్‌ఐ రామాంజనేయులు, డ్రై వర్‌ కృష్ణ బయలుదేరారు.  బాపట్ల–అప్పికట్ల మార్గమధ్యంలో హెరిటేజ్‌ సమీపంలో మలుపు తిరుగుతుండగా వర్షానికి కారు అదుపుతప్పి పక్కనే ఉన్న చెట్టును ఢీకొని పంట పొలాల్లోకి దూసుకెళ్లింది. స్థానికులు  గమనించి క్షతగాత్రులను చికిత్స నిమిత్తం బాపట్ల ఏరియా వైద్యశాలకు తరలించారు. అక్కడ ప్రథమ చికిత్స అనంతరం మెరుగైన చికిత్స నిమిత్తం గుంటూరులోని ప్రైౖ వేటు వైద్యశాలకు తరలించారు.