విద్యార్థిని అదృశ్యం

యాడికి: అనంతపురం జిల్లా యాడికి మండలం రాయలచెరువులో శిల్ప(14) అనే విద్యార్థిని నాలుగు రోజుల నుంచి కనిపించడం లేదు. కర్నూలు జిల్లా కొలిమిగుండ్ల మండలం అంకిరెడ్డిపల్లికి చెందిన శిల్ప రాయలచెరువులోని తన మేనమామ ఇంటిలో ఉంటూ ఓ ప్రైవేట్‌ పాఠశాలలో తొమ్మిదో తరగతి చదువుతోంది. ఈ నెల 21న పాఠశాలకు వెళ్తున్నట్లు చెప్పి బయలుదేరిన బాలిక తిరిగి ఇంటికి రాలేదు. అప్పటి నుంచి తెలిసిన చోటల్లా వెతికినా ప్రయోజనం లేకపోవడంతో బాలిక అక్క లక్ష్మి ఫిర్యాదు మేరకు కేసు నమోదు చేసినట్లు  ఎస్‌ఐ కత్తి శ్రీనివాసులు శుక్రవారం తెలిపారు.