TV
చిత్తూరు : చిత్తూరు జిల్లా గుడుపల్లి మండలం గుడివంకలోని శ్రీవల్లి దేవసేన సుబ్రమణ్యస్వామి దేవాలయంలో అర్ధరాత్రి దుండగులు బీభత్సం సృష్టించారు. ఆలయంలోకి ప్రవేశించిన దుండగులు గస్తీగా ఉన్న ఇద్దరు వాచ్‌మన్‌లపై దాడి చేశారు. వారిని విచక్షణారహితంగా కొట్టారు. దీంతో వారు తీవ్రంగా గాయపడ్డారు.
అనంతరం దుండగులు అక్కడి నుంచి పరారైయ్యారు. స్థానికులు వెంటనే పోలీసులకు సమాచారం అందించారు. పోలీసులు ఘటన స్థలానికి చేరుకుని... క్షతగాత్రులను సమీపంలోని ఆసుపత్రికి తరలించారు. పోలీసులు కేసు నమోదు చేసి దర్యాప్తు చేస్తున్నారు.
