టంగుటూరికి నివాళి

 

* గుంటూరులోని రెవెన్యూ కల్యాణ మండపంలో అధికార యంత్రాంగం ఆధ్వర్యంలో గుంటూరు పశ్చిమ ఎమ్మెల్యే మోదుగుల వేణుగోపాలరెడ్డి అధ్యక్షతన ఆంధ్రకేసరి జయంతి నిర్వహించారు. ప్రకాశం పంతులు చిత్రపటానికి ప్రజా ప్రతినిధులు, అధికారులు పూలమాలలు వేసి నివాళులర్పించారు. ముఖ్య అతిథిగా హాజరైన కలెక్టర్‌ కాంతిలాల్‌ దండే మాట్లాడుతూ జీవన ప్రస్థానంలో ఎన్ని ఒడిదుడుకులు ఎదురైనా మొక్కవోని కార్యదీక్షతో విలువలు పాటించిన మహానీయునిగా టంగుటూరి ఘనకీర్తి పొందారని కొనియాడారు. కార్యక్రమంలో ఎమ్మెల్యేలు ఆలపాటి రాజేంద్రప్రసాద్, తెనాలి శ్రావణ్‌కుమార్, డీసీఎంఎస్‌ చైర్మన్‌ ఇక్కుర్తి సాంబశివరావు, జేసీ ఎం.వెంకటేశ్వరరావు, డీఆర్వో కె.నాగబాబు, డీఈవో కేవీ శ్రీనివాసులురెడ్డి, ఉపాధ్యాయులు, విద్యార్థులు పాల్గొన్నారు.