TV
సంస్కారవంతంగా మెలగాలి: కేసీఆర్
తెలంగాణ పునర్మిణామే ధ్యేయంగా పనిచేస్తామని టీఆర్ఎస్ అధినేత కె. చంద్రశేఖరరావు అన్నారు.
హైదరాబాద్: తెలంగాణ పునర్మిణామే ధ్యేయంగా పనిచేస్తామని టీఆర్ఎస్ అధినేత కె. చంద్రశేఖరరావు అన్నారు. తెలంగాణ ప్రజలు అందించిన విజయాన్ని బాధ్యతతో స్వీకరిస్తున్నట్టు చెప్పారు. టీఆర్ఎస్ మేనిఫెస్టోను నూటికి నూరుశాతం అమలు చేస్తామని చెప్పారు. ప్రజలు తమపై ఉంచిన విశ్వాసాన్ని నిలబెట్టుకుంటామన్నారు. సంస్కారవంతంగా మెలగాలని టీఆర్ఎస్ నాయకులు, కార్యకర్తలకు కేసీఆర్ సూచించారు. బేజషాలకు పోవద్దని హితవు పలికారు.
తెలంగాణ రాష్ట్ర అభివృద్ధే అందరి ఆకాంక్ష కావాలని, దీనికి అందరికి సహకారం కావాలన్నారు. మంచి పద్ధతితో ముందుకు పోతామన్నారు. నరేంద్ర మోడీ, నారా చంద్రబాబు నాయుడుకు కేసీఆర్ అభినందనలు తెలిపారు. రేపు టీఆర్ఎస్ శాసనసభా పక్ష సమావేశం ఉంటుందని వెల్లడించారు. ఈ సమావేశంలో భవిష్యత్ కార్యాచరణ నిర్ణయిస్తామని చెప్పారు.
