TV
బెంగాలీల జోలికొస్తే అంతే...
రనాఘాట్: పశ్చిమ బెంగాల్ ముఖ్యమంత్రి, తృణమూల్ కాంగ్రెస్ అధ్యక్షురాలు మమతా బెనర్జీ బీజేపీ ప్రధాని అభ్యర్థి నరేంద్ర మోడీపై మరోసారి నిప్పులు చెరిగారు. పశ్చిమ బెంగాల్లో ఉంటున్న ఏ ఒక్కరినైనా దేశ బహిష్కరణ చేస్తే, ఢిల్లీని అట్టుడికిస్తామని హెచ్చరించారు. ‘ఏ ఒక్కరినైనా టచ్ చేసి చూడండి. అప్పుడు నేను ఢిల్లీని వణికిస్తా’ అని ఆమె మోడీని ఉద్దేశించి వ్యాఖ్యానించారు. బీజేపీ ప్రధాని అభ్యర్థి విభజన రాజకీయాలకు పాల్పడుతూ, ఈ ప్రాంతాన్ని విచ్ఛిన్నం చేయడానికి ప్రయత్నిస్తున్నారని మండిపడ్డారు. ఆదివారమిక్కడ జరిగిన ఎన్నికల సభలో మమత ప్రసంగించారు.
ఓటు బ్యాంకు రాజకీయాల కోసం బంగ్లాదేశ్ అక్రమ వలసదారులను భారత్‌లోకి అనుమతించారని, ఇలాంటి వారిని వెనక్కి పంపిస్తామని మోడీ చేసిన వ్యాఖ్యలపై మమత పైవిధంగా స్పందించారు.
