డ్రంకెన్ డ్రైవ్‌లో 16 మంది పై కేసులు

హైదరాబాద్: జూబ్లీహిల్స్ ట్రాఫిక్ పోలీసులు శనివారం రాత్రి డ్రంకన్ డ్రైవ్ చేపట్టారు. వేర్వేరుచోట్ల చేపట్టిన తనిఖీల్లో మోతాదుకు మించి మద్యం సేవించి వాహనాలు నడుపుతున్న 16 మందిపై కేసులు నమోదు చేశారు. జూబ్లీహిల్స్‌రోడ్ నెం.36లో జూబ్లీహిల్స్ ట్రాఫిక్ ఇన్‌స్పెక్టర్ శ్రీనివాస్‌రెడ్డి ఆధ్వర్యంలో తనిఖీలు నిర్వహిస్తుండగా ఏపీ 09 బీవీ 8045 కారును నడుపుతూ కాయ్‌రాజా కాయ్ ఫేమ్ సాయి రవి మద్యం సేవించి వాహనాన్ని నడుపుతూ పట్టుబడ్డాడు. పట్టుబడ్డవారందరి వాహనాలను స్టేషన్‌కు తరలించారు. వీరందరికీ సోమవారం కౌన్సెలింగ్ నిర్వహిస్తామని పోలీసులు తెలిపారు.