TV
తెలుగుదేశం పార్టీ ఘనంగా జరుపుతున్న మహానాడుకు వెళ్లే రహదారులన్ని వాహనాలలో నిండిపోయాయి. ఇంటర్ సప్లీమెంటరీ విద్యార్థులు ఆ ట్రాఫిక్లో చిక్కుకున్నారు. దాంతో ట్రాఫిక్ పోలీసులు రంగంలోకి దిగి మహానాడుకు వెళ్లే వాహనాలును చేవెళ్ల వైపు మళ్లీస్తున్నారు. చేవెళ్ల నుంచి హైదరాబాద్ వచ్చే వాహనాలను ట్రాఫిక్ పోలీసులు నిలిపివేశారు. చేవెళ్ల - హైదరాబాద్ ప్రధాన రహదారిపై దాదాపు 10 కి.మీ. మేర ట్రాఫిక్ నిలిచిపోయింది.
తెలుగుదేశం పార్టీ హైదరాబాద్ నగర శివారుల్లోని గండిపేట వద్ద మహానాడును రెండు రోజుల పాటు నిర్వహిస్తుంది. ఆ మహానాడులో పాల్గొనేందుకు అటు సీమాంధ్ర, ఇటు తెలంగాణల నుంచి అధిక సంఖ్యలో తెలుగు తమ్ముళ్లు హాజరైయ్యారు. దాంతో చేవెళ్ల - హైదరాబాద్ రహదారిపై భారీగా ట్రాఫిక్ నిలిచిపోయింది.
