TV
సౌత్‌ ఇండియన్‌ హీరోస్‌లో సాల్ట్‌ అండ్‌ పెప్పర్‌ (అక్కడక్కడా నెరిసిన జుత్తు, గెడ్డం) లుక్‌తో ఎక్కువగా కనిపించే హీరో అజిత్‌. కానీ, ఈసారి లుక్‌ మార్చబోతున్నారట. మూడు నాలుగేళ్లుగా అజిత్‌ ఈ గెటప్‌లోనే కనిపిస్తున్నారు. ఫర్‌ ఎ చేంజ్‌ తన తదుపరి సినిమా కోసం సాల్ట్‌ అండ్‌ పెప్పర్‌ లుక్‌కు ఫుల్‌స్టాప్‌ పెట్టి, ఫుల్‌ బ్లాక్‌లో కనిపించబోతున్నారట. ఫుల్‌ బ్లాక్‌ అంటే ఒంటి రంగు అనుకునేరు.
జుట్టు, గడ్డం రంగు. ఇంతకీ ఏ సినిమాలో ఈ గెటప్‌ అంటే.. ‘విశ్వాసం’లో. అజిత్‌ హీరోగా ‘వీరం, వేదాళం, వివేగం’ వంటి హిట్స్‌ ఇచ్చిన శివ దర్శకత్వంలో ఈ సినిమా రూపొందనుంది. ఈ చిత్రాన్ని నిర్మించిన సత్య జ్యోతి ఫిలింస్‌ బ్యానర్‌పై జి.త్యాగరాజన్, జి. శరవణన్‌ ఈ సినిమాను నిర్మించబోతున్నారు. ఇందులో అనుష్క పేరుని హీరోయిన్‌గా పరిశీలిస్తున్నట్లు సమాచారం. యువన్‌ శంకర్‌ రాజా సంగీత దర్శకుడు. జనవరి 19న రెగ్యులర్‌ షూటింగ్‌ మొదలు కానుంది. ఈ చిత్రాన్ని 2018 దీపావళికి రిలీజ్‌ చేయటానికి ప్లాన్‌ చేస్తున్నారు.
Comments
Please login to add a commentAdd a comment