చిరు సందర్శన

కొరటాల శివ, రామ్‌చరణ్‌

చిరంజీవి 152వ సినిమా పనులు వేగంగా సాగుతున్నాయి. కొరటాల శివ దర్శకత్వంలో రామ్‌చరణ్‌ నిర్మాతగా ఈ సినిమా తెరకెక్కనుంది. కొరటాల శివ ఆఫీస్‌ను సరదాగా సందర్శించారు రామ్‌చరణ్‌. ఆ సందర్భంలో  కొరటాలతో దిగిన ఈ ఫొటోను రామ్‌చరణ్‌ షేర్‌ చేసి, ‘‘శివగారి ఆఫీస్‌లో ఎనర్జీ చాలా నచ్చింది. నాన్న 152వ సినిమా తెరకెక్కించబోతున్నందుకు ఆయనకు ఆల్‌ ది బెస్ట్‌’’ అన్నారు. కొణిదెల ప్రొడక్షన్స్, మ్యాట్నీ ఎంటర్‌టైన్‌మెంట్‌ బ్యానర్‌ ఈ చిత్రాన్ని నిర్మించనున్నాయి. ఇక ఇక్కడి ఫొటో చూస్తే చరణ్‌ అయ్యప్ప దీక్షలో ఉన్నట్లు అర్థం చేసుకోవచ్చు. దాదాపు ప్రతి ఏడాదీ చరణ్‌ అయ్యప్ప మాల  వేసుకుంటారు.