దిల్ రాజు 'ఓకే బంగారం'

దిల్ రాజు 'ఓకే బంగారం'

చెన్నై: ప్రముఖ దర్శకుడు మణిరత్నం తెరకెక్కిస్తున్న రొమాంటిక్ మూవీ 'ఓకే కన్మణి'  చిత్రాన్ని తెలుగులో 'ఓకే బంగారం' పేరుతో నిర్మాత దిల్ రాజు విడుదల చేయనున్నారు. ఈ సినిమా హక్కులను సొంతం చేసుకున్న దిల్ రాజు  శ్రీ వెంకటేశ్వరా క్రియేషన్స్ ద్వారా  తెలుగు ప్రేక్షకుల ముందుకు తీసుకు వస్తున్నారు.

మళయాళ హీరో మమ్ముట్టి కుమారుడు దుల్కర్ సల్మాన్, నిత్యా మీనన్ జంటగా నటిస్తున్న ఈ సినిమాకు మణిరత్నం దర్శకత్వం వహించారు. ''తెలుగులో ఈ చిత్రానికి 'ఓకే బంగారం' అనే టైటిల్ను ఖరారు చేశాం. ఏప్రిల్లో ఈ సినిమాని విడుదల చేయాలనుకుంటున్నాం. మణిరత్నంకు నేను పెద్ద అభిమానిని. ఆయన సినిమాకు తెలుగులో నాకు అనుమతులు రావటం ఆనందంగా ఉంది. 'ఓకే కన్మణి' చిత్రాన్ని తమిళ, మలయాళ భాషల్లో కూడా విడుదల చేస్తున్నాం. ఈ చిత్రానికి సంగీతం ఏఆర్ రెహమాన్ అందించారు" అని నిర్మాత దిల్ రాజు మీడియాతో అన్నారు.