TV
హాకీ ఆట ఆడబోతున్నారు హీరో సందీప్‌ కిషన్. మరి.. ఈ ఆటలో సందీప్‌ ప్రత్యర్థులను బోల్తా కొట్టించి ఎక్స్‌ప్రెస్‌ వేగంతో ఎలా గోల్స్‌ చేస్తారో చూడటానికి కాస్త సమయం ఉంది. సందీప్‌ కిషన్ హీరోగా డెన్నిస్‌ జీవన్‌ కనుకొలను దర్శకత్వంలో తెరకెక్కనున్న తాజా చిత్రానికి ‘ఏ1 ఎక్స్‌ప్రెస్‌’ అనే టైటిల్‌ ఖరారు చేశారు. ఈ సినిమాను టీజీ విశ్వ ప్రసాద్, అభిషేక్‌ అగర్వాల్, సందీప్‌ కిషన్, దయా పన్నెం నిర్మించనున్నారు. వివేక్‌ కూచిభొట్ల సహ–నిర్మాత. స్పోర్ట్స్‌ ఎంటర్‌టైనర్‌గా తెరకెక్కనున్న ఈ సినిమాలో హాకీ ప్లేయర్‌గా కనిపిస్తారు సందీప్‌. హిప్‌ హాప్‌ తమిళ సంగీతం అందిస్తారు. ఈ సినిమా ప్రీ లుక్‌ను ఆదివారం విడుదల చేశారు. నవంబర్‌ మొదటి వారంలో రెగ్యులర్‌ షూటింగ్‌ ప్రారంభం కానుంది. వచ్చే ఏడాది విడుదల చేయాలను కుంటున్నారు.
