TV
‘షూట్’ అవుట్!
విదేశాల్లో షూటింగ్ అనగానే ఎగిరి గంతేసి... ‘షాట్’ గ్యాప్‌లో అక్కడ ఎంజాయ్ చేసేయొచ్చనుకున్న శ్రీలంక సుందరి జాక్వెలిన్ ఫెర్నాండెజ్‌కు మర్చిపోలేని షాక్ తగిలింది కెనడాలో. ఏకంగా రెండు రోజులు హోటల్ రూమ్‌లోనే లాకైపోయింది. పార్లమెంట్ హౌస్ వద్ద కాల్పులు జరిగిన నేపథ్యంలో అక్కడి ప్రభుత్వం.. పరిస్థితి అదుపులోకి వచ్చేవరకు ఎవరూ గడప దాటడానికి వీల్లేదని హుకుం జారీ చేసింది. విశేషమేంటంటే... జాక్ బస చేసిన హోటల్‌కు సంఘటనా స్థలం రెండే కిలోమీటర్లు దూరం! దెబ్బకు షూటింగ్ ఆగిపోయి... న్యూస్ అప్‌డేట్స్ చూసుకోవాల్సి వచ్చిందట అమ్మడికి.
