ఆరు దశాబ్దాల వెనక్కి?

మహేశ్‌బాబు

‘రంగస్థలం’ సినిమాలో రామ్‌చరణ్‌ను 1980లోకి తీసుకెళ్లి సూపర్‌హిట్‌ను ఖాతాలో వేసుకున్న సుకుమార్‌ ఇప్పుడు మహేశ్‌బాబును దాదాపు 60 ఏళ్లు వెనక్కి తీసుకెళ్లనున్నారని ఫిల్మ్‌ నగర్‌లో ప్రచారం జరుగుతోంది. మహేశ్‌బాబు హీరోగా సుకుమార్‌ దర్శకత్వంలో మైత్రీ మూవీ మేకర్స్‌పై ఓ సినిమా తెరకెక్కనున్న సంగతి తెలిసిందే. దేశానికి స్వాతంత్య్రం వచ్చిన కొత్తల్లో నాటి పరిస్థితుల ఆధారంగా ఈ సినిమా కథను సుకుమార్‌ రెడీ చేస్తున్నారని టాక్‌.

నాలుగేళ్ల క్రితం మహేశ్‌బాబు –సుకుమార్‌ కాంబినేషన్‌లో ‘1:నేనొక్కడినే’ చిత్రం వచ్చిన సంగతి తెలిసిందే. తాజాగా ఈ ఇద్దరి కాంబినేషన్‌లో రూపొందనున్న సినిమా షూటింగ్‌ ఈ ఏడాది డిసెంబర్‌ చివర్లో స్టార్ట్‌ అవుతుందట. ప్రస్తుతం ‘మహర్షి’ సినిమాతో బిజీగా ఉన్నారు మహేశ్‌బాబు. వంశీ పైడిపల్లి దర్శకత్వం వహిస్తున్నారు. పూజా హెగ్డే కథానాయికగా నటిస్తున్న ఈ సినిమాకు దేవిశ్రీ ప్రసాద్‌ సంగీతం అందిస్తున్నారు. ఈ సినిమాను వచ్చే ఏడాది ఏప్రిల్‌ 5న విడుదల చేయాలనుకుంటున్నారు.