లండన్ బ్రిడ్జ్‌పై 8 గంటల షూటింగ్ చేశాం!

 ‘ఫాస్ట్ అండ్ ఫ్యూరియస్’ వంటి భారీ బడ్జెట్ చిత్రం తర్వాత లండన్ బ్రిడ్జ్‌ను దాదాపు 8 గంటల పాటు బ్లాక్ చేసి షూటింగ్ జరుపుకున్న ఏకైక చిత్రం ‘1’... ‘నేనొక్కడినే’. కథలో కీలక భాగాలను లండన్‌లో దాదాపు 60 రోజుల పాటు చిత్రీకరించాం’’ అని రామ్ ఆచంట చెప్పారు. మహేష్‌బాబు, సుకుమార్ కాంబినేషన్‌లో 14 రీల్స్ పతాకంపై రామ్ ఆచంట,  గోపి ఆచంట, అనిల్ సుంకర సంయుక్తంగా నిర్మించిన ‘1’... ‘నేనొక్కడినే’ చిత్రం ఈ నెల 10న విడుదల కానుంది. ఈ సందర్భంగా మంగళవారం హైదరాబాద్‌లో ఏర్పాటు చేసిన ప్రెస్ మీట్‌లో గోపి ఆచంట మాట్లాడుతూ -‘‘సినిమా మొత్తం డిజిటల్ ఫార్మాట్‌లో తీశాం. రష్యన్, సౌత్ అమెరికన్, జపనీస్, ఫ్రెంచ్, కొరియన్ భాషల్లోకి సబ్ టైటిల్స్‌తో అనువదిస్తున్నాం’’ అని తెలిపారు. ఈ సినిమాలో హీరో వాడిన బైక్‌ని ఎస్‌ఎమ్‌ఎస్ ద్వారా గెలుచుకునే ఏర్పాటు చేశామని అనిల్ సుంకర చెప్పారు.