TV
బాలీవుడ్‌ నటి మలైకా అరోరా మరోసారి ట్రోల్స్‌ బారిన పడ్డారు. నూతన సంవత్సరాన్ని పురస్కరించుకుని తన ప్రియుడు, బాలీవుడ్‌ హీరో అర్జున్‌ కపూర్‌తో కలిసి దిగిన ఫొటో షేర్‌ చేయడమే ఇందుకు కారణం. న్యూ ఇయర్‌ వేడుకలను ఈ జంట ఫుల్‌గా ఎంజాయ్‌ చేస్తోంది. ఈ క్రమంలో అర్జున్‌ను ముద్దాడుతున్న ఫొటోను మలైకా సోషల్ మీడియాలో షేర్‌ చేశారు. ‘సూర్యుడు, నక్షత్రాలు, వెలుగు, సంతోషం... 2020’ అంటూ నెటిజన్లకు నూతన సంవత్సర శుభాకాంక్షలు తెలిపారు. ఈ క్రమంలో మలైకా షేర్‌ చేసిన ఫొటోపై కొందరు పాజిటివ్‌గా స్పందిస్తుండగా.. మరికొందరు మాత్రం సెటైర్లు వేస్తున్నారు.
ముఖ్యంగా మలైకా- అర్జున్‌ల మధ్య ఉన్న వయోభేదాన్ని ప్రస్తావిస్తూ.. ‘ తల్లీ కొడుకుల ప్రేమ చాలా బాగుంది. అయితే మీకు దిష్టి తగులుతుందేమో జాగ్రత్త. అయినా అంత చిన్నవాడిని ఎలా పడేశావు’ అంటూ విపరీతపు కామెంట్లు చేస్తున్నారు. కాగా పందొమ్మిదేళ్ల వైవాహిక జీవితానికి ముగింపు పలుకుతూ బాలీవుడ్‌ జంట మలైకా అరోరా- అర్బాజ్‌ ఖాన్‌ 2017లో విడాకులు తీసుకున్న సంగతి తెలిసిందే. అర్జున్‌ కపూర్‌ కారణంగానే ఈ జంట మధ్య విభేదాలు తలెత్తాయని బీ- టౌన్‌లో వార్తలు వినిపించాయి. అయితే విడాకులకు ముందు గుట్టుచప్పుడుగా ఉన్న మలైకా- అర్జున్‌లు ఇటీవల బాహాటంగానే కలిసి తిరుగుతుండటంతో వారు త్వరలోనే పెళ్లి పీటలు ఎక్కబోతున్నారని రూమర్లు వ్యాపించాయి. అయితే వీరు మాత్రం పెళ్లి విషయంపై ఎటువంటి క్లారిటీ ఇవ్వలేదు. కాగా అర్జున్‌ కంటే మలైకా దాదాపు పన్నెండేళ్లు పెద్దవారన్న విషయం తెలిసిందే.
Comments
Please login to add a commentAdd a comment