TV
ఫుల్ ఎనర్జీ కథతో...
మంచు విష్ణు హీరోగా ‘దేనికైనా రెడీ’ చిత్రానికి దర్శకత్వం వహించిన జి. నాగేశ్వరరెడ్డి, ఆ తర్వాత మనోజ్ హీరోగా ‘కరెంట్ తీగ’ వంటి విజయాన్ని అందించారు. వరుసగా అన్నదమ్ములిద్దరితో రెండు విజయవంతమైన చిత్రాలు చేసిన నాగేశ్వరరెడ్డి మళ్లీ మనోజ్‌తో ఓ సినిమా చేయనున్నారు. 24 ఫ్రేమ్స్ ఫ్యాక్టరీ పతాకంపై వరుస విజయాలు అందిస్తున్న మంచు విష్ణు ఈ చిత్రాన్ని నిర్మించనున్నారు. యాక్షన్, కామెడీ కలగలసిన కథాంశంతో సాగే ఈ చిత్రంలో మనోజ్ సరసన ఇద్దరు కథానాయికలు నటిస్తారు. వినూత్న తరహా కామెడీ నేపథ్యంలో ఈ చిత్రం ఉంటుందనీ, మనోజ్ ఎనర్జీ లెవల్స్‌కి తగ్గ కథ అనీ నిర్మాత తెలిపారు. ప్రస్తుతం కథానాయికల ఎంపిక జరుగుతోంది. త్వరలో ఈ చిత్రం షూటింగ్ ఆరంభం కానుంది.
