కింగ్ నాగార్జున ఈ శుక్రవారం ఆఫీసర్‌గా ప్రేక్షకుల ముందుకు రానున్నాడు. చాలా కాలం తరువాత రామ్‌ గోపాల్‌ వర్మ దర్శకత్వంలో నటించిన నాగ్, ఈ సినిమా వర్మ తిరిగి ఫాంలోకి వచ్చేస్తాడని గట్టిగా చెపుతున్నాడు. ఈ సినిమా ప్రమోషన్‌లో భాగంగా తన ఫ్యూచర్‌ ప్రాజెక్ట్స్‌కు సంబంధించి ఆసక్తికర విషయాలను వెల్లడించారు నాగ్‌. ఆఫీసర్‌ తరువాత శ్రీరామ్‌ ఆదిత్య దర్శకత్వంలో నానితో కలిసి మల్టీస్టారర్‌ సినిమాను నాగ్‌ పూర్తిచేయాల్సి ఉంది.

ఆ తరువాత నాగ్‌ చేయబోయే సినిమా ఏంటనేది ఇంకా ఫైనల్‌ కాలేదు. ఆఫీసర్‌ ప్రమోషన్‌లో ఫ్యూచర్‌ ప్రాజెక్ట్స్ గురించి మాట్లాడిన నాగ్‌, కోలీవుడ్‌ హీరో ధనుష్‌ తో సినిమాకు సంబంధించిన చర్చలు జరిగాయని వెల్లడించారు. ధనుష్‌, రజనీకాంత్ కోసం ఓ కథ తయారు చేశారని, అయితే రజనీ రాజకీయాల్లో బిజీ కావటంతో అదే కథను నాగ్‌ తో తెరకెక్కించాలని భావిస్తున్నారట. అయితే ఈ సినిమా చేస్తున్నట్టుగా నాగ్‌ కన్ఫామ్‌ చేయలేదు.

అంతేకాదు మొదటి ప్రపంచ యుద్ధం నేపథ్యంలో ఓ కథ విన్నానని చెప్పిన నాగార్జున ఆ సినిమా చేసే అవకాశముందంటూ హింట్‌ ఇచ్చారు. ఈ సినిమాలో మోహన్‌లాల్‌ మరో హీరోగా నటించే అవకాశం ఉంది. వీటితోపాటు బంగార్రాజు సినిమా పనులు కూడా జరుగుతున్నాయని చెప్పిన వర్మ అది ఎప్పుడు పట్టాలెక్కుతుందో ఇప్పుడే చెప్పలేమన్నారు.