TV
‘కిరాక్‌ పార్టీ’తో ఆశించిన విజయాన్ని సొంతం చేసుకోలేకపోయాడు నిఖిల్‌. సక్సెస్‌ ఫుల్‌గా సాగుతున్న ఈ యువ హీరో కెరీర్‌కు కిరాక్‌ పార్టీ అడ్డుకట్టవేసింది. అయితే ఈ సారి ఎలాగైనా హిట్‌ కొట్టాలని ఓ తమిళ రీమేక్‌పై దృష్టి సారించాడు.
కోలీవుడ్‌లో సూపర్‌హిట్‌ అయిన కణిథణ్‌ చిత్రాన్ని ‘అర్జున్‌ సురవరం’ పేరుతో టాలీవుడ్‌కు తీసుకువస్తున్నాడు. టీజర్‌తో ఈ మూవీ ఒక్కసారిగా భారీ హైప్‌ను సొంతం చేసుకుంది. అయితే నిఖిల్‌ హీరోగా,నివేదా థామస్‌ హీరోయిన్‌గా అప్పట్లో శ్వాస అనే చిత్రం మొదలైంది. తాజాగా ఈ మూవీపై ఓ రూమర్‌ ప్రచారంలో ఉంది. ప్రస్తుతం ఈ ప్రాజెక్ట్‌ పక్కన పడేశారనీ, ఈ సినిమాను ఆపేశారని టాక్‌ వినిపిస్తోంది. అయితే దీనిపై ఇప్పటివరకు ఎవరూ అధికారికంగా స్పందించలేదు. అర్జున్‌ సురవరం తరువాత నిఖిల్‌ కార్తికేయ సీక్వెల్‌లో నటిస్తాడని సమాచారం.
