మ‌ళ్ళీరావా లాంటి రొమాంటిక్ ఎంట‌ర్‌టైన‌ర్ ను అందించిన నిర్మాణ సంస్థ స్వ‌ధ‌ర్మ్ ఎంట‌ర్‌టైన్మెంట్స్. తొలి సినిమాతోనే క‌థాబ‌లం ఉన్న చిత్రాన్ని ఎంచుకుని త‌న ప్ర‌త్యేక‌తను చాటుకున్న నిర్మాత రాహుల్ యాద‌వ్ న‌క్కా. ఈ ప్ర‌తిష్టాత్మ‌క సంస్థ నుంచి రెండో ప్ర‌య‌త్నంగా మ‌రో సినిమాకు శ్రీ‌కారం చుట్టారు రాహుల్. ‘మ‌ళ్ళీరావా త‌ర్వాత ఎన్నో క‌థ‌లు విన్నాను,నూత‌న ద‌ర్శ‌కుడు స్వ‌రూప్ ఆర్ఎస్ జే చెప్పిన‌ కథ నచ్చి ఈ సినిమా చేస్తున్నాం.

యూట్యూబ్ లో సంచ‌ల‌నం సృష్టించిన ఆల్ ఇండియా బ‌క్చోద్ కార్య‌క్ర‌మంతో గుర్తింపు తెచ్చుకున్న న‌వీన్ పొలిశెట్టిని హీరోగా ప‌రిచ‌యం చేస్తున్నాం. మెంట‌ల్ మ‌దిలో చిత్ర ద‌ర్శ‌కుడు వివేక్ ఆత్రేయ ఈ చిత్రానికి మాట‌లు రాస్తుండ‌టం విశేషం.‘అ!’ సినిమాతో విమర్శకుల ప్రసంశలు అందుకున్న మార్క్ కె రాబిన్  ఈ సినిమాకి సంగీతం అందిస్తున్నారు. త్వరలోనే ఇతర నటీనటులు సాంకేతిక నిపుణుల వివరాలు తెలియచేస్తాం’ అని నిర్మాత రాహుల్ యాదవ్ తెలిపారు.