టార్చర్ అనుభవించాను!

 ‘‘ ‘గబ్బర్‌సింగ్’ కథ విన్నప్పుడు... ‘ఒక హిట్ సినిమా కథ విన్నాను’ అనిపించింది.  అనుకున్నట్లే ఆ సినిమా బ్లాక్‌బస్టర్ అయ్యింది. ‘ఎవడు’ కథ విన్నప్పుడు కూడా సేమ్ ఫీలింగ్. ఆ సినిమా కూడా పెద్ద హిట్. అయితే... ఈ ఇద్దరు హీరోలూ ఒకే కుటుంబానికి చెందిన వారవ్వడం యాదృచ్ఛికం. మెగా హీరోలు నాకు కలిసొచ్చిన మాట నిజమే. కానీ.. ఆ సెంటిమెంట్లను మాత్రం నేను నమ్మను. సక్సెస్ అనేది కథ, దర్శకత్వం మీదే ఆధారపడి ఉంటుందని నమ్ముతాను’’ అని శ్రుతిహాసన్ అన్నారు. రామ్‌చరణ్ సరసన ఆమె నటించిన చిత్రం ‘ఎవడు’. పైడిపల్లి వంశీ దర్శకత్వంలో ‘దిల్’రాజు నిర్మించిన ఈ చిత్రం ఇటీవలే విడుదలైంది. ఈ సందర్భంగా ఈ సినిమాకు, అందులోని తన పాత్రకు వస్తున్న స్పందనపై శ్రుతి సంతోషం వెలిబుచ్చారు. ‘‘ఈ ఏడాది ప్రారంభంలో ‘ఎవడు’ రూపంలో మంచి విజయం దక్కడం ఆనందంగా ఉంది.