
వంద నోట్లు ఎందుకు ముద్రించలేదు?
న్యూఢిల్లీ: పాత పెద్ద నోట్లను రద్దు చేయడంతో సామాన్య ప్రజలందరూ ఇబ్బంది పడుతున్నారని తృణమూల్ కాంగ్రెస్ ఎంపీ డెరిక్ ఓబ్రీన్ అన్నారు. రాజ్యసభలో ఆయన మాట్లాడుతూ.. పెద్ద నోట్లను రద్దు చేయడాన్ని తీవ్రంగా వ్యతిరేకిస్తున్నామని చెప్పారు. రాష్ట్రపతిని కలిసినప్పుడు తాము ఇదే విషయాన్ని ఆయనతో చెప్పామన్నారు. పెద్ద నోట్లను రద్దు చేయాలనుకున్నప్పుడు వంద రూపాయల నోట్లను అధికంగా ఎందుకు ముద్రించలేదని ప్రశ్నించారు. రూ. 500 నోట్లను మళ్లీ ఎందుకు కొత్తగా తీసుకొచ్చారని నిలదీశారు.