TV
మాజీ ప్రధానికి సమన్లు
న్యూఢిల్లీ: బొగ్గు కుంభకోణం కేసు మాజీ ప్రధాని మన్మోహన్ సింగ్‌ మెడకు చుట్టుకుంటోంది. ఈ కేసు విచారణకు హాజరుకావాలని ఢిల్లీ పటియాల హౌజ్‌ ప్రత్యేక కోర్టు మన్మోహన్ సింగ్‌కు సమన్లు జారీ చేసింది. ఈ కేసులో ఆయనను నిందితుడిగా చేర్చుతూ కోర్టు సమన్లు జారీ చేసింది. ఏప్రిల్‌ 8న విచారణకు హాజరుకావాలని ప్రత్యేక న్యాయస్థానం ఆదేశించింది.
బొగ్గు కుంభకోణం కేసులో మాజీ ప్రధానిని ఎందుకు ప్రశ్నించలేదని గతంలో కోర్టు ఆగ్రహం వ్యక్తం చేసింది. ఈ క్రమంలో మన్మోహన్ సింగ్‌ను సీబీఐ ఇంతకు ముందే ప్రశ్నించింది. ఈ క్రమంలో మన్మోహన్ సింగ్‌కు కోర్టు సమన్లు జారీ చేయడం ప్రాధాన్యత సంతరించుకుంది. మన్మోహన్ సింగ్‌ బొగ్గు శాఖను పర్యవేక్షిస్తున్న సమయంలో హిండాల్కో సంస్థకు అక్రమంగా గనులు కేటాయించారని ఆరోపణలున్నాయి. ఈ కేటాయింపులకు సంబంధించి బిర్లా గ్రూప్‌ చైర్మన్‌ కుమారమంగళం బిర్లా, బొగ్గు శాఖ మాజీ కార్యదర్శి పరేఖ్‌కు కూడా కోర్టు సమన్లు జారీ చేసింది.
