కేరళ యువకుడి టాలెంట్ ఇది.. వీడియో వైరల్

కేరళ యువకుడి టాలెంట్ ఇది.. వీడియో వైరల్

తిరువనంతపురం: ఓ కేరళ యువకుడి నైపుణ్యానికి సంబంధించిన ఓ వీడియో ఇప్పుడు సోషల్ మీడియాలో హల్ చల్ చేస్తోంది. ఒక్కో వ్యక్తికి ఏదో ఒక పనిలో టాలెంట్ ఉంటుంది. అలాగే ఈ కేరళ యువకుడికి కోల్డ్ కాఫీని తనదైన శైలిలో చేయడం అలవాటుగా మారింది. అతడు కోల్డ్ కాఫీ చేస్తుంటే నాశిక్ కు చెందిన చంద్రశేఖర్ గల్ గాలే తన మొబైల్ లో తీసిన వీడియోను ట్విట్టర్లో పోస్ట్ చేయగా అది వైరల్ గా మారింది.

ఈ వీడియోను కొందరు యూట్యూబ్ లో పోస్ట్ చేయగా అక్కడ కూడా యువకుడిపై ప్రశంసలు వెల్లువలా వస్తున్నాయి. జేమ్స్ బాండ్ కూడా నీ కోల్డ్ కాఫీని లవ్ చేస్తాడు.. ఏ మాత్రం ఆలోచించకుండా తాగేస్తాడని ఓ నెటిజన్ కామెంట్ చేశాడు. ఏం చేసినా సరే మొత్తానికి అద్భుతమైన కోల్డ్ కాఫీని నీ శైలిలో చేశావ్ బాస్.. అంటూ మరో నెటిజన్ ట్వీట్ చేశాడు. ట్విట్టర్లో ఈ వీడియో విపరీతమైన లైక్స్ తో పాటు రీట్వీట్లు సంపాదించుకుంది. వీడియో పోస్ట్ చేసిన వ్యక్తి కాఫీ చేసిన యువకుడి వివరాలు వెల్లడించలేదు. పేరు తెలియకున్నా ఆ యువకుడి నైపుణ్యానికి ప్రశంసలు దక్కేలా చేశాడు చంద్రశేఖర్ గల్ గాలే.