‘మైనర్ కీచకుడి పై క్రిమినల్ కోర్టులో విచారణ జరపండి’

 న్యూఢిల్లీ: దేశ రాజధానిలో నిర్భయ అత్యాచార ఉదంతానికి సంబంధించిన కేసులో మైనర్ అయినందువల్ల మూడేళ్ల శిక్షతోనే తప్పించుకున్న దోషిపై క్రిమినల్ కోర్టులో విచారణ జరిపించాలంటూ నిర్భయ తల్లిదండ్రులు సుప్రీంకోర్టును ఆశ్రయించారు. జువెనైల్స్‌పై క్రిమినల్ కోర్టు విచారణను నిషేధిస్తూ ఉన్న చట్టాన్ని రద్దుచేయాలంటూ పిటిషన్ దాఖలు చేశారు. అతనికి 18 ఏళ్లకు ఆరు నెలలు తక్కువ వయసున్నం దున గత ఆగస్టులో జువెనైల్ లా ప్రకారం.. అతడికి గరిష్టంగా మూడు ఏళ్ల జైలు శిక్ష మాత్రమే జువెనైల్ జస్టిస్ బోర్డు విధించింది. జువెనైల్ జస్టిస్ చట్టానికి రాజ్యాంగబద్ధతను సవాల్‌చేస్తూ పిటిషన్ దాఖలుచేసినప్పటికీ, బోర్డు తీర్పు ఇవ్వడాన్ని నిర్భయ తల్లిదండ్రులు ప్రశ్నించారు.