TV
'గుర్మీత్‌ను ఖైదీలే చంపేలా ఉన్నారు'
హర్యానా: రోహతక్‌ జైలులో డేరా సచ్చా సౌదా చీఫ్‌ గుర్మీత్‌ రామ్‌ రహీమ్‌ సింగ్‌కు ప్రాణహానీ ఉందని సోమూ పండిట్‌ అనే వ్యక్తి ఆందోళన వ్యక్తం చేశాడు. అదే జైలులో ఇతడు సహచర ఖైదీగా ఉండి బెయిల్‌పై బయటకు వచ్చాడు. ఈ సందర్భంగా జైలులో గుర్మీత్‌ పరిస్థితి గురించి చెబుతూ ఆయనను ఒంటరిగా వదిలేస్తే సహచర ఖైదీలే ఆయనను హత్య చేసే అవకాశం ఉందని చెప్పాడు.
రామ్‌ రహీమ్‌ సింగ్‌పై జైలులో చాలామంది ఖైదీలు ఆగ్రహంతో ఉన్నారని, వారు ఏ క్షణమైనా ఆయనపై దాడి చేసే అవకాశం లేకపోలేదన్నాడు. ఆయనను ఎట్టి పరిస్థితుల్లో భద్రత లేకుండా ఒంటరిగా జైలులో ఉంచొద్దని, కట్టుదిట్టమైన సెక్యూరిటీ ఎప్పటికీ ఉండాల్సిందేనని తెలిపాడు.
