అడవి ఏనుగుల బీభత్సం.. ఇద్దరికి తీవ్రగాయాలు

చెన్నై : అడవి ఏనుగులు రెండు నగరంలో ప్రవేశించాయి. తెల్లవారుజామును రోడ్ల మీద సంచరిస్తూ బీభత్సం సృష్టించాయి. వివరాలు.. కోయంబత్తూరు సమీపంలోని పూచ్చియూర్‌ హైటెక్‌ సిటీ ప్రాంతంలో జరిగింది ఈ సంఘటన. సోమవారం తెల్లవారుజామున రెండు అడవి ఏనుగులు జనావాసంలోకి ప్రవేశించాయి. ​రోడ్ల మీద తిరుగుతూ.. ప్రజలను ఇబ్బందులు గురిచేశాయి. అంతటితో ఆగక జనవాసాల మీద దాడి చేస్తూ బీభత్సం సృష్టించాయి.

ఈ దాడిలో ఇద్దరికి తీవ్రగాయాలయ్యాయి. ప్రాణాపాయ స్థితిలో ఉన్న వీరిని సమీప ఆస్పత్రికి తరలించారు. ఈ ఘటనకు సంబంధించి వీడియోలు ప్రస్తుతం సోషల్‌ మీడియాలో హల్‌చల్‌ చేస్తున్నాయి.