TV
డేవిస్‌కప్‌ మ్యాచ్‌కు యూకీ బాంబ్రీ దూరం
మోకాలి గాయం కారణంగా భారత ఆటగాడు యూకీ బాంబ్రీ ఉజ్బెకిస్తాన్‌తో జరిగే డేవిస్‌ కప్‌ మ్యాచ్‌ నుంచి తప్పుకున్నాడు. ఈనెల 7 నుంచి 9 వరకు బెంగళూరులో ఈ మ్యాచ్‌ జరుగుతుంది. ఈ కీలక పోరు కోసం ఆదివారం సన్నాహక శిబిరం ప్రారంభమైన రోజే యూకీ నిష్క్రమించడంతో భారత్‌కు గట్టి దెబ్బ తగిలింది.
యూకీ గైర్హాజరు కారణంగా రిజర్వ్‌ ఆటగాళ్లు లియాండర్‌ పేస్, రోహన్‌ బోపన్నలలో ఒకరు ఈ మ్యాచ్‌ బరిలోకి దిగడం ఖాయమైంది. అయితే ఎవరు ఆడతారనే దానిపై వ్యాఖ్యానించేందుకు భారత నాన్‌ప్లేయింగ్‌ కెప్టెన్‌ మహేశ్‌ భూపతి నిరాకరించారు. మరోవైపు జట్టులో ఏడో ఆటగాడిగా ప్రాక్టీస్‌ కోసం ఎంపికైన విష్ణువర్ధన్‌ కూడా ఆదివారం గాయపడ్డాడు.
