ఐటీఎఫ్ టోర్నీ రన్నరప్ విష్ణు

ఐటీఎఫ్ టోర్నీ రన్నరప్ విష్ణు

 చండీగఢ్: ఐటీఎఫ్ ఫ్యూచర్స్ టెన్నిస్ టోర్నీలో విజేతగా నిలవాలన్న ఆంధ్రప్రదేశ్ క్రీడాకారుడు విష్ణువర్ధన్ ఆశలు నెరవేరలేదు.

శనివారం ఇక్కడ జరిగిన సింగిల్స్ ఫైనల్లో విష్ణు 5-7, 3-6తో ఆంటల్ వాండర్ డ్యుమ్ (నెదర్లాండ్స్) చేతిలో ఓడి రన్నరప్ ట్రోఫీతో సరిపెట్టుకున్నాడు.

ఈ టోర్నీలో టాప్ సీడ్ జీవన్, మూడో సీడ్ శ్రీరామ్ బాలాజీలను చిత్తు చేసి జోరుమీదున్నట్లు కనిపించిన విష్ణు ఫైనల్లో మాత్రం అదే ఆటతీరును ప్రదర్శించలేకపోయాడు. విష్ణు చివరిసారిగా 2012 జూన్‌లో ఐటీఎఫ్ ఫ్యూచర్స్ టైటిల్ గెలిచాడు. ఆ తర్వాత అతడు ఒక్క టైటిల్ కూడా గెలవలేదు. ఇక ఈ టోర్నీలో రన్నరప్‌గా నిలిచిన విష్ణుకు 10 ర్యాంకింగ్ పాయింట్లు దక్కాయి.