కమలం ఏం చెబుతుంది?

 

 నగరంలో వెంటనే ఎన్నికలు జరిపించకుండా రాష్ర్టపతి పాలన విధించడాన్ని, అసెంబ్లీని రద్దుచేయకపోవడాన్ని సవాలు చేస్తూ ఆమ్ ఆద్మీ పార్టీ కోర్టుకు వెళ్లింది. దీనిపై  న్యాయస్థానం బీజేపీ, కాంగ్రెస్‌లకు నోటీసు జారీ చేసి, జవాబు కోరింది. కలిసి ప్రభుత్వం ఏర్పాటుచేయడానికి సిద్ధంగా ఉన్నాయా?  లేదా? తెలపాలని న్యాయస్థానం రెండు పార్టీలను ఆదేశించింది. అయితే రెండు పార్టీల సమీకరణాలను చూసినట్లయితే రెండు పార్టీలు కలిసి ప్రభుత్వం ఏర్పాటుచేయడం కల్లేనని రాజకీయ పండితులు చెబుతున్నారు. దాంతో పాటు బీజేపీ ముఖ్యమంత్రి అభ్యర్థి డాక్టర్ హర్షవర్ధన్‌తోపాటు మరో ఇద్దరు ఎమ్మెల్యేలు లోక్‌సభ ఎన్నికలలో పోటీచేయడంతో ఢిల్లీలో ప్రభుత్వం ఏర్పాటుకు ఆ పార్టీ సుముఖంగా లేదన్న విషయం చెప్పకనే చెప్పినట్లయింది. లోక్‌సభ ఎన్నికలలో బీజేపీ మరిన్ని సీట్లు గెలిచినట్లయితే ఆ పార్టీ నగరంలో వెంటనే అసెంబ్లీని రద్దుచేసి ఎన్నికలు జరిపించాలని డిమాండ్ చేసే అవకాశం ఉంది.  మరోమారు ఎన్నికలకు తాను సిద్ధమని  మొదటి నుంచి చెబుతున్న బీజేపీ విధానసభ ఎన్నికలు జరిపించాలని గ ట్టిగా డిమాండ్ చేయవచ్చు. ఆమ్ ఆద్మీ పార్టీ కూడా ఎన్నికలు వెంటనే జరిపించాలని కోరుతోంది. ఎన్నికలలో గెలిచే అవకాశాలు అంతగా కనిపించనప్పటి కీ కాంగ్రెస్ కూడా ఎన్నికలు జరిపించాలనే అంటోంది. దీంతో రానున్న రోజుల్లో ఢిల్లీలో మళ్లీ ఎన్నికల పోరు ప్రారంభమయ్యే అవకాశముందని విశ్లేషకులు చెబుతున్నారు.