TV
హైదరాబాద్‌: నగరంలో విషాదం చోటుచేసుకుంది. ఓ ప్రైవేట్‌ కళాశాల బస్సు డ్రైవర్‌ డ్రైవింగ్‌ సీట్లోనే మృతిచెందాడు. బీవీఆర్‌ఐటీ మహిళా ఇంజనీరింగ్‌ కళాశాలకు చెందిన బస్సు శుక్రవారం ఉదయం విద్యార్థులను తీసుకొని కళాశాలకు వెళ్తుండగా.. నారాయణగూడ చౌరస్తా వద్దకు రాగానే బస్సులో డీజిల్‌ అయిపోయింది.
బస్సులో ఉన్న కళాశాల ఫ్యాకల్టీ డీజిల్‌ తేవడానికి వెళ్లిన సమయంలో బస్సు డ్రైవర్‌ రసూల్‌కు ఫిట్స్‌ రావడంతో అక్కడికక్కడే మృతిచెందాడు. కాగా.. రసూల్‌ గత రెండు రోజులగా మాత్రమే డ్రైవింగ్‌ చేస్తున్నాడని.. పర్మనెంట్‌ డ్రైవర్‌ అందుబాటులో లేకపోవడంతో.. దినసరి కూలి లెక్కన బస్సు నడపడానికి వచ్చాడని కాలేజి యాజమాన్యం తెలిపింది.
