' తెలంగాణ ఏజీని తొలగించండి'

' తెలంగాణ ఏజీని తొలగించండి'

హైదరాబాద్: తెలంగాణ రాష్ట్ర అడ్వోకేట్ జనరల్‌గా కొనసాగుతున్న కె.రామకృష్ణారెడ్డిని వెంటనే ఆ పదవి నుంచి తొలగించాలని మాజీమంత్రి షబ్బీర్‌అలీ సోమవారం ముఖ్యమంత్రి కె.చంద్రశేఖరరావుకు లేఖ రాశారు. ముస్లింలకు 5 శాతం రిజర్వేషన్ల కేసు విషయంలో వ్యతిరేకంగా వాదించిన రామకృష్ణారెడ్డిని ఏజీగా ఎలా నియమిస్తారని ప్రశ్నించారు.

అధికారంలోకి వస్తే 12 శాతం రిజర్వేషన్లు అమలు చేస్తామని టీఆర్‌ఎస్ హామీనిచ్చిన విషయాన్ని గుర్తుచేశారు. నాడు 5 శాతం రిజర్వేషన్లనే వ్యతిరేకించిన రామకృష్ణారెడ్డి ఇప్పుడు 12 శాతం రిజర్వేషన్ల అమలు కోసం ఎలా వాదిస్తారని ప్రశ్నించారు. ఎంసెట్ కౌన్సిలింగ్ సమయం దగ్గర పడుతున్న నేపథ్యంలో తక్షణమే ముస్లిం రిజర్వేషన్ల అంశాన్ని కూడా తేల్చాలని అందులో పేర్కొన్నారు.