TV
తెలంగాణ గవర్నర్‌గా నరసింహన్
ఆంధ్రప్రదేశ్‌తో పాటు అదనపు బాధ్యతలు
న్యూఢిల్లీ: ఆంధ్రప్రదేశ్ గవర్నర్‌గా బాధ్యత లు నిర్వహిస్తున్న ఈఎస్‌ఎల్ నరసింహన్‌కు కొత్తగా ఏర్పడబోతున్న తె లంగాణ రాష్ర్ట బాధ్యతలను కూడా అప్పగించారు. తెలంగాణ గవర్నర్‌గా నరసింహన్‌కు అదనపు బాధ్యతలు కట్టబెడుతూ రాష్ట్రపతి ప్రణబ్ ముఖర్జీ ఉత్తర్వులు జారీ చేశారు. ఈ మేరకు రాష్ట్రపతి భవన్ బుధవారం ఓ ప్రకటన విడుదల చేసింది.
జూన్ 2న తెలంగాణ రాష్ర్టం ఏర్పాటవుతున్న నేపథ్యంలో తెలంగాణకు కొత్త గవర్నర్‌ను నియమించే వరకు నరసింహన్ అదనపు బాధ్యతలు నిర్విహ స్తారంటూ ఈ ఉత్తర్వులు జారీ అయ్యాయి. జూన్2 తర్వాతే తెలంగాణ గవర్నర్‌గా ఆయన బాధ్యతలు చేపడతారు.
