TV
- ప్రత్యేకకోర్టుకు నివేదించిన ట్రైడెంట్ న్యాయవాది
సాక్షి, హైదరాబాద్: మెదక్ జిల్లా పాశమైలారంలో అరబిందో ఫార్మాకు కేటాయించిన 33 ఎకరాల భూమిని అనుబంధ సంస్థకు బదలాయింపు మాత్రమే చేశారని, విక్రయించలేదని ట్రైడెంట్ లైఫ్ సెన్సైస్ తరఫు న్యాయవాది ఉమామహేశ్వర్‌రావు సీబీఐ ప్రత్యేక కోర్టుకు నివేదించారు.
ఈ కేసు నుంచి తమ పేరును తొలగించాలని కోరుతూ ట్రైడెంట్ లైఫ్‌సెన్సైస్ దాఖలు చేసిన డిశ్చార్జ్ పిటిషన్‌ను ప్రత్యేక కోర్టు ప్రధానన్యాయమూర్తి ఎన్.బాలయోగి గురువారం మరోసారి విచారించారు. ఏపీఐఐసీ నిబంధనల ప్రకారమే ట్రైడెంట్ లైఫ్‌సెన్సైస్‌కు నిర్వహణ అవసరాల్లో భాగంగా ఈ బదలాయింపు జరిగిందని ఉమమహేశ్వర్‌రావు తెలిపారు.
గతంలోనూ ఇటువంటి బదలాయింపులు జరిగాయని, అనుబంధ సంస్థకు భూబదలాయింపు తప్పెలా అవుతుందని ప్రశ్నించారు. శుక్రవారం కూడా వాదనలు కొనసాగనున్నాయి.
