త్వరలో విద్యుత్ శాఖ ఖాళీల భర్తీ: కేసీఆర్

త్వరలో విద్యుత్ శాఖ ఖాళీల భర్తీ: కేసీఆర్

విద్యుత్ శాఖలో ఉన్న ఖాళీలను త్వరలోనే భర్తీచేస్తామని తెలంగాణ ముఖ్యమంత్రి కె.చంద్రశేఖరరావు తెలిపారు. తెలంగాణ రాష్ట్ర విద్యుత్ శాఖపై ఆయన మంగళవారం నాడు సమీక్ష నిర్వహించారు. వచ్చే ఖరీఫ్ నుంచి వ్యవసాయానికి పగటిపూటే 9 గంటల నిరంతర విద్యుత్ అందిస్తామని చెప్పారు. వ్యవసాయ పంపుసెట్లకు 9 గంటల విద్యుత్ సరఫరా చేసేందుకు అంచనాలు తయారుచేయాలని అధికారులను ఆదేశించారు.

డిమాండు ఉంటే ఆగస్టులో పరిశ్రమలకు ఒకరోజు పవర్ హాలిడే ఇచ్చి వ్యవసాయానికి సరఫరా చేస్తామని కేసీఆర్ చెప్పారు. రెండు ఫీడర్లుగా విభజించి ఒకదానికి ఉదయం 6 గంటల నుంచి మధ్యాహ్నం 3 గంటల వరకు, మరో ఫీడర్కు ఉదయం 9 గంటల నుంచి సాయంత్రం 6 గంటల వరకు విద్యుత్ సరఫరా చేస్తామన్నారు. వరంగల్ కేంద్రంగా నడుస్తున్న నార్త్ డిస్కమ్కు శ్రీ రాజరాజేశ్వరి పవర్ డిస్ట్రిబ్యూషన్ కంపెనీగా పేరు నిర్ణయించారు. అలాగే హైదరాబాద్ కేంద్రంగా నడుస్తున్న సదరన్ డిస్కమ్కు వేదాద్రి లక్ష్మీ నరసింహస్వామి పేరును ఖరారు చేశారు.