TV
వైఎస్సార్ మరణం దురదృష్టకరం: దిగ్విజయ్
ఇబ్రహీంపట్నం: అన్ని పార్టీలతో చర్చించిన తర్వాతే కాంగ్రెస్ పార్టీ తెలంగాణపై నిర్ణయం తీసుకుందని దిగ్విజయ్ సింగ్ అన్నారు. కాంగ్రెస్, సోనియా వల్లే తెలంగాణ రాష్ట్ర ఏర్పాటు సాధ్యమైందని, అయితే ఈ విషయాన్ని ప్రజల్లోకి గట్టిగా తీసుకెళ్లలేకపోయామని తెలంగాణ కాంగ్రెస్ సదస్సులో పేర్కొన్నారు. విభజన వల్ల కాంగ్రెస్ పార్టీకి నష్టం కలిగినమాట నిజమేనని, సీమాంధ్రలో ఒక్క సీటు కూడా గెలవలేకపోయామని వాపోయారు.
ఆంధ్రప్రదేశ్‌లో కాంగ్రెస్ పార్టీకి వైఎస్ రాజశేఖరరెడ్డి నాయకత్వం మరువలేనిదన్నారు. ఆయన వల్లే 2004-09 ఎన్నికల్లో కాంగ్రెస్ గెలిచిందని, యూపీఏ రెండు సార్లు కేంద్రంలో అధికారంలోకి రాగలిగిందని గుర్తు చేశారు. వైఎస్సార్ మరణం దురదృష్టకరమని దిగ్విజయ్ సింగ్ అన్నారు.
