TV
బెయిలొచ్చినా.. ఇంకా జైల్లోనే!
పటేళ్ల ఉద్యమకారుడు హార్దిక్ పటేల్ కు రాజద్రోహం కేసులో బెయిల్ లభించినా.. అతడు మాత్రం ఇంకా కొన్నాళ్ల పాటు జైల్లోనే ఉండాల్సి వస్తోంది.
పటేళ్ల ఉద్యమకారుడు హార్దిక్ పటేల్ కు రాజద్రోహం కేసులో బెయిల్ లభించినా.. అతడు మాత్రం ఇంకా కొన్నాళ్ల పాటు జైల్లోనే ఉండాల్సి వస్తోంది. రాజద్రోహం కేసులో మాత్రం అతడికి దాదాపు 9 నెలల తర్వాత బెయిల్ వచ్చింది. గుజరాత్ హైకోర్టు అతడికి షరతులతో కూడిన బెయిల్ మంజూరు చేసింది. ఆరు నెలల పాటు గుజరాత్ వెలుపల ఉండాలని ఆదేశించింది.
అంతవరకు బాగానే ఉన్నా.. హార్దిక్ పటేల్ మీద మరో కేసు ఉందని.. అందువల్ల ఆ కేసులో మాత్రం అతడు ఇంకా జైల్లోనే ఉండాల్సి వస్తుందని, అ కేసులో కూడా బెయిల్ వస్తేనే బయటకు రావడానికి వీలవుతుందని అతడి తరపు న్యాయవాది జుబిన్ భద్ర తెలిపారు.
