కేసీఆర్ దిక్కుమాలిన సీఎం

కేసీఆర్ దిక్కుమాలిన సీఎం

సాక్షి, హైదరాబాద్: పారిశుధ్య కార్మికుల సమ్మె దిక్కుమాలిందంటూ మాట్లాడిన సీఎం కె.చంద్రశేఖర్‌రావు దిక్కుమాలిన ముఖ్యమంత్రి అని ఎంఆర్‌పీఎస్ వ్యవస్థాపక అధ్యక్షుడు మంద కృష్ణమాదిగ తీవ్ర విమర్శలు చేశారు. తమకు అన్యాయం జరిగినపుడు ఎవరైనా పోరాటం చేస్తారని, అందుకే పారిశుధ్య కార్మికులు సమ్మె చేస్తున్నారని ఆదివారం ఓ ప్రకటనలో పేర్కొన్నారు. పారిశుధ్య కార్మికుల సమ్మెకు అండగా సోమవారం వరంగల్‌లోని కాళోజీ విగ్రహం వద్ద ఒక రోజు దీక్ష చేయనున్నట్లు తెలిపారు. రాష్ట్రవ్యాప్తంగా ఉద్యమాన్ని ఉధృతం చేస్తామన్నారు. పారిశుధ్య కార్మికుల వేతనాలను రాష్ట్ర ప్రభుత్వమే భ రించాలన్నారు.