బాహుబలి-2పై స్పందించిన పవన్‌ కల్యాణ్‌

బాహుబలి-2పై స్పందించిన పవన్‌ కల్యాణ్‌

హైదరాబాద్‌: భారతీయ సినీ చరిత్రలో ఆల్‌టైమ్‌ హిట్‌గా రూ.1000 కోట్ల మార్క్‌ను దాటేసిన బాహుబలి-2పై ప్రపంచమంతా ప్రశంసలు కురిపిస్తోంది. ఈ సినిమా గురించి మాట్లాడని సినీ స్టార్లుగానీ, రాజకీయనేతలుగానీ లేరు!

ఈ క్రమంలోనే జనసేన అధినేత, నటుడు పవన్‌ కల్యాణ్‌ కూడా బాహుబలి-2పై తనదైన శైలిలో స్పందించారు. ఈ మేరకు పవర్‌ స్టార్‌ ఆదివారం రాత్రి వరుస ట్వీట్లు చేశారు.

రూ.1000 కోట్ల కలెక్షన్లు సాధించిన సందర్భంగా దర్శకుడు రాజమౌళి, హీరో ప్రభాస్‌ సహా బాహుబలి టీమ్‌ అందరికీ పవన్‌ అభినందనలు తెలిపారు. ‘ఈ సినిమా కోసం ఐదేళ్లపాటు కష్టపడిన రాజమౌళి మనందరినీ గర్వంగా తలెత్తుకునేలా చేశారు..’ అన్న పవన్‌ కల్యాణ్‌.. భవిష్యత్తులో ఆయన(రాజమౌళి) మరిన్ని ఉన్నత శిఖరాలు అధిరోహించాలని కోరుతున్నట్లు పేర్కొన్నారు. దర్శకుడు రాజమౌళి.. పవన్‌ ట్వీట్‌కు రిప్లై ఇస్తూ ధన్యవాదాలు తెలిపారు.

(బాహుబలి 2 : 1000 కోట్ల క్లబ్లో తొలి భారతీయ సినిమా)

My Heartfelt congratulations to Shri Rajmouli,Shri Prabhas &team for their stupendous success of. Bahubali and achieving the 1000 crore mark

— Pawan Kalyan (@PawanKalyan) 7 May 2017