TV
సార్వత్రిక ఎన్నికల్లో బీజేపీ అఖండ విజయం సాధించింది. ఈ నేపథ్యంలో ప్రధాని మన్మమోహన్ సింగ్ గుజరాత్ ముఖ్యమంత్రి, బీజేపీ ప్రధాని అభ్యర్థి నరేంద్ర మోడీకి శుభాకాంక్షలు తెలిపారు. ఈ రోజు మధ్యాహ్నం మోడీకి ప్రధాని మన్మోహన్ ఫోన్ చేసి శుభాకాంక్షలు తెలిపారని న్యూఢిల్లీలోని ప్రధానమంత్రి కార్యాలయం శుక్రవారం ట్విట్టర్లో వెల్లడించింది.
గుజరాత్ ముఖ్యమంత్రి నరేంద్ర మోడీ తమ పార్టీ ప్రధాని అభ్యర్థి అని బీజేపీ గతంలో ప్రకటించింది. సార్వత్రిక ఎన్నికల్లో వడోదర, వారణాసి లోక్సభ నుంచి ఎన్నికల బరిలో నిలిచిన మోడీ అఖండ మెజార్టీతో గెలుపొందిన విషయం తెలిసిందే.
