ఆ సీట్లు వారివే : ఎయిర్ఇండియా

న్యూఢిల్లీ : ప్రభుత్వ రంగ విమానయాన సంస్థ ఎయిర్ఇండియా జంప్ సీట్ల జారీలో నిబంధనలను మరింత కఠినతరం చేసింది. న్యూయార్క్ నుంచి ఢిల్లీ వస్తున్న ఎయిర్ఇండియా విమానంలో గత వారం జరిగిన ఓ సంఘటనతో ఎయిర్ఇండియా కదలివచ్చింది. అలసట కారణంగా ఓ ఉద్యోగి విమానంలో కింద పడుకుంది. వారికి కేటాయించిన సీట్లను ఇతర ప్యాసెంజర్లు వాడుకోవడంతో ఈ ఇబ్బంది తలెత్తింది. దీన్ని సీరియస్గా తీసుకున్న ఎయిర్ఇండియా సిబ్బంది తమ అభీష్టానుసారం జంప్ సీట్లలో ట్రావెల్ చేయడానికి అనుమతి ఉంటుందని ఆ కంపెనీ పైలెట్లకు తెలిపింది. దీర్ఘకాల ప్రయాణాల్లో సిబ్బంది విశ్రాంతి తీసుకోవడానికి జంప్ సీట్లను విడుదల చేయాలని ఫైలెట్స్-ఇన్-కమాండ్లలను ఆదేశించింది. తమ ప్రతిష్టకు భంగం కలిగిస్తూ గతవారం ఓ సిబ్బంది కింద పడుకోవడంపై బాధను వ్యక్తంచేసింది.