అబ్దుల్ కలాంకు వైఎస్సార్‌సీపీ నివాళి

అబ్దుల్ కలాంకు వైఎస్సార్‌సీపీ నివాళి

హైదరాబాద్: భారత మాజీ రాష్ట్రపతి ఏపీజే అబ్దుల్ కలాంకు వైఎస్సార్‌సీపీ మంగళవారం ఘనంగా నివాళులర్పించింది. పార్టీ అధ్యక్షుడు వైఎస్ జగన్‌మోహన్‌రెడ్డి నివాసంలో కలాం చిత్రపటానికి పార్టీ సీనియర్ నాయకులందరూ పుష్పాంజలి ఘటించారు. తర్వాత సంతాప సూచకంగా కొద్దిసేపు మౌనం పాటించారు. వైఎస్ జగన్ శ్రద్ధాంజలి ఘటించిన అనంతరం పార్టీ నేతలు వి.విజయసాయిరెడ్డి, ఎస్.రామకృష్ణారెడ్డి, భూమన కరుణాకర్‌రెడ్డి, కొరుముట్ల శ్రీనివాసులు (ఎమ్మెల్యే), చెవిరెడ్డి భాస్కరరెడ్డి (ఎమ్మెల్యే), నల్లా సూర్యప్రకాష్, వాసిరెడ్డి పద్మ, ఎస్.డి. ప్రసాదరాజు కలాంకు శ్రద్ధాంజలి ఘటించి ఆయన సేవలను స్మరించుకున్నారు.
 
మంగళవారం హైదరాబాద్‌లోని తన నివాసంలో అబ్దుల్ కలాం చిత్రపటానికి నివాళులర్పిస్తున్న వైఎస్సార్ సీపీ అధ్యక్షుడు వైఎస్ జగన్‌మోహన్‌రెడ్డి. చిత్రంలో విజయసాయిరెడ్డి, భూమన కరుణాకర్‌రెడ్డి, చెవిరెడ్డి, ఎస్‌డీ ప్రసాదరాజు