TV
కంటెంట్‌ బాగుంటే ఏ భాషలో తెరకెక్కిన చిత్రాన్నైనా తెలుగు ప్రేక్షకులు ఆదరిస్తారని మరోసారి రుజువు చేసింది ‘ప్రేమలు’
దర్శకధీరుడు రాజమౌళి తనయుడు కార్తికేయ తెలుగులో ఈ చిత్రాన్ని మార్చి 8న రిలీజ్‌ చేశాడు. దర్శకుడితో పాటు నటీనటులంతా కొత్తవారే అయినా తెలుగు ప్రేక్షకులు ఈ సినిమాను ఆదరించారు
ఈ సినిమాలో నటించిన ప్రతి ఒక్కరు తమదైన అభినయంతో అకట్టుకున్నారు. ముఖ్యంగా హీరోయిన్‌గా నటించిన మమితా బైజు.. ప్రస్తుతం టాలీవుడ్‌ యువత కలల రాణిగా మారిపోయింది
ఈ చిత్రంలో సాఫ్ట్‌వేర్‌ ఎంప్లాయ్‌ రీనూ పాత్రలో ఆమె ఒదిగిపోయింది. అమాయకపు మాటలు.. చూపులతో అందరిని కట్టిపడేసింది
ఈ సినిమా రిలీజ్‌ తర్వాత చాలా మంది మమిత గురించి గూగుల్‌లో సెర్చ్‌ చేయడం ప్రారంభించారు. సోషల్‌ మీడియాలో ఆమెకు సంబంధించిన పాత వీడియో క్లిప్పులను షేర్‌ చేస్తూ తమ అభిమానాన్ని చాటుకుంటున్నారు
రాజమౌళి సైతం ఈ బ్యూటీ నటనపై ప్రశంసలు కురిపించడం మరో విశేషం. గీతాంజలి ఫేం గిరిజ, ఫిదా బ్యూటీ సాయి పల్లవితో మమితా బైజును పోలుస్తూ చాలా సహజంగా నటించిందని అభినందించాడు.
కేరళలోని కొట్టాయంలో జన్మించిన మమిత..ప్రస్తుతం సైకాలజీలో గ్రాడ్యుయేషన్‌ చేస్తోంది. స్కూల్‌ డేస్‌లో సాంస్కృతిక కార్యక్రమాల్లో చరుగ్గా పాల్గొనేది.
మమితా బైజు కెరీర్‌ తొలినాళ్లలో సపోర్టింగ్‌ క్యారెక్టర్లు ప్లే చేసింది. తొలి సినిమా ‘సర్వోపరి పలక్కరన్‌(2017’). ఇందులో ఆమె సహాయ నటిగా నటించింది.స్కూల్‌లో ఇచ్చిన ఓ ప్రదర్శన కారణంగా ఆమెకు ఈ అవకాశం లభించింది
ఆ తర్వాత ‘హనీ బీ 2: సెలబ్రేషన్స్’ ‘డాకినీ’, ‘స్కూల్‌ డైరీ’, ‘వికృతి’, ‘కిలోమీటర్స్‌ అండ్‌ కిలోమీటర్స్‌’, ‘ఆపరేషన్‌ జావా’ లాంటి చిత్రాల్లో నటించి మంచి గుర్తింపు తెచ్చుకుంది.
2021లో వచ్చిన ‘ఖోఖో’ సినిమాలో టీమ్‌ కెప్టెన్‌ పాత్ర పోషించి.. తనదైన నటనతో ఆకట్టుకుంది. ఈ చిత్రానికిగాను ఉత్తమ సహాయ నటిగా ‘కేరళ ఫిల్మ్‌ క్రిటిక్స్‌ అవార్డు’ అందుకుంది.
ఇక గతేడాది ‘ప్రణయ విలాజం’. ‘రామచంద్ర బాక్‌ అండ్‌ కో’ సినిమాలతో మలయాళ ప్రేక్షకుల్ని అలరించింది.
టాలీవుడ్‌ హీరోల్లో అల్లు అర్జున్‌ అంటే చాలా ఇష్టమని..అతనితో కలిసి నటించే అవకాశం కోసం ఎదురుచూస్తున్నానని ఓ ఇంటర్వ్యూలో చెప్పింది మమితా
